大掃除

之一
年近歲晚，家裡*準備*著大掃除。母親大人已多番警告說我的房間太亂，再不收拾的話，新年有親戚朋友到訪，會向外界宣稱那是工人房。

我（無賴狀）：「係呀，我果間係工人房*丫。」
母親大人（寸）：「最弊人地工人房係好整齊架哩！」
我（被寸）：「咩o者......人地好忙丫嘛......」
母親大人（再寸）：「忙到買完野連件衫都仲係個袋度丫嘛。」
我（再被寸）：「下？係咩？」-_-"

*本人的房間乃工人房，只有主人房 1/3，同時只可供一人活動；曾被朋友形容為 fitting room，亦被兄弟問過：「點解你細佬間房大你咁多既？」。

之二
母親大人考慮要把我部分衣物扔掉。她把她認為可以扔的擱在一旁。

母親口中唸唸有詞：「呢件連牌都未剪，呢條著到咁殘仲著。」

一望，是一件已遺忘而未剪牌的 miu miu，以及一條殘 marc jacobs 褲。頭都痕埋，如何跟母親解釋扔不得？！