Friday, August 31, 2007

世界這麼小

世界這麼小,好像在哪裡也碰著曾認識的人。

事例一:在倫敦遇上中學的師兄,念同一家大學。

事例二:在米蘭遇上中學的鄰班同學,住同一家 hosel。

事例三:前陣子,更遇上幼稚園同班同學林小姐(哇唔係呀嘛!)。

林小姐,你話驚唔驚呢?

Sunday, August 26, 2007

Flashback

他:「你做咩唔話你係我粉絲,以前就睇我的書呀?」
我:「我根本未睇過你的書!」

***

我:「咁你即係話我遙不可及啦!」
他:「唔係,係拒人於千里之外o者。」

Friday, August 24, 2007

修行式的生活

還未正式開始,已經很累了。

Thursday, August 23, 2007

母儀天下

皇上抱恙未癒,正所謂國不可一日無君,娘娘繼續頂上。

九時一刻,娘娘即來個早朝,傳 K 及 D 兩位大臣入房,密謀國事。

午膳時間,皇上終於回宮,娘娘遂於膳後打道回府,結束短暫的掌政生涯。

完。

Wednesday, August 22, 2007

大業

皇上抱恙,由娘娘頂上。

一朝早,娘娘便來個早朝,傳召 A 及 D 兩位大臣入房,閉門造車。不久,傳來河東獅吼,聲勢遠播萬里,差點傳遍整個中原。

後問 D 到底所謂何事,答曰:娘娘不滿 A 辦事慢也。

娘娘勃然動怒,無他也。她多年來協助皇上打江山,盡心盡力,如今終於創立自己的王國*,有感盛極一時,統一天下亦不遠矣,絕不可讓小角色拖垮江山社稷。

完。

* Kingdom 是也。

Tuesday, August 21, 2007

當歸烏雞

午飯時段,D 跟我和蛙友講及上星期到長龍遊玩的事。我以超睏狀態一邊聽,一邊整理手機內的電話簿。

D:「(去完動物園後)去左一間叫 XXX 的餐廳吃飯,叫左當歸烏雞,但我淨係食左 D 雞咋。」

Me:「咁 D 龜呢???」

D:「……」(正在反覆思考龜的問題)

蛙友:「冇龜架!專心 D 啦!」

D & Me:(爆笑!)

Monday, August 20, 2007

婚宴前奏之五

兄弟讀完我的〈婚宴前奏之二 〉,也寫了一篇「婚宴前奏系列」文章:

姐妹幫手

兄弟為其即將結婚的友人做姐妹, 早前更參與了寫喜帖信封的工作, 但過百份的完成品慘被準新郎嫌棄, 話要再買過D信封, 寧願以打印方式 print D人名上去. 的確, 係好令人沮喪.

所以, 那天一講起此事, 兄弟立刻彈出一個濕滯樣.
' (既然佢唔多滿意你地的表現) 咁仲有無其他野要你地做丫…' 我問.
'例如咩?' 佢竟然問返我. -_-
'仲有D咩係要做架囉.'
'唔知喎....或者當日要落手切生果囉.'

婚宴前奏之四

上星期(或再上一個星期呢?),找 R 陪我到尖咀看伴娘裙。

她:可以呀,但我之後要趕回家煮飯給 J 吃。
我:你現在真是一個主婦了。
她:J 八月要回大陸公幹,而且很久沒有給他煮飯了。
(據說 J 很喜歡吃住家飯的。)

我常說,「娶著 R 真有福」,她平日不亂花錢、不買貴野/名牌、節儉得來又大方,仲要儲到錢兼為未來老公荷包著想。最重要是,她是美少女啊!又當空姐,好誘惑o者!
(記:去年她請教我母親收禮金及擺酒的事宜,鍚老公的心意表露無遺!
母:「我果時呢 D 錢就係男家俾晒既。」
她:「我洗唔洗出返 D?佢一個人出晒好杰。」
我:「你理得佢者,佢有錢佢俾晒囉。」
她:「咁又唔得既,我都唔想佢之後唔掂。」
但事實證明 J 掂掂都冇咁掂囉,他大少一年的 Bonus 是我 XX 甚至 XXX 年的人工呀!哇大佬!)

「趕回家煮飯」乃賢妻良母的指定動作之一,這次又加一分!

另,這樣的生活,於我是這麼的遙遠呀。

Saturday, August 18, 2007

斷片

終於來到星期六的早上。

回顧一周,生產量比平日稍減,但真的有「斷片」的感覺。

就在這秋夏之交。

Thursday, August 16, 2007

一手交錢

今晚,兄弟現兜兜拿了一萬元現金出來購物及消費!
(其中 $2890 用於一對經幾番思考的 4 吋高跟鞋。)

好驚!

婚宴前奏之三

身為伴娘的我,多少為著婚宴當晚的衣著而煩惱。好煩。一萬個煩。

要我穿 Low Cut 的話,賤肉橫飛,乾脆把我殺掉好了;要我穿 Low Cut 或小吊帶再外加一件披肩,又嫌老土。須知道,我要型!

唔露肉又要型當然要付出代價。終於決定動輒過千訂製一條比較合心水的裙子。由於過份缺乏主見,昨夜找了兄弟來陪度身。老闆娘遲了超過半小時才出現,姍姍來遲地 show 出雙手的 Cartier 手錶、鑽戒加鑽手鏈(勁多鑽石,假的吧?)。好,終於來到戲肉:老闆娘問我要什麼款式、上身什麼布料(雪紡或真絲*)、下身又什麼布料、什麼顏色的布料(白色、米色、intermediate 的米白色等)、裙要多長、袖要多長、心口位要幾高、要唔要 A 字等等等等,我都以夢遊式的眼神望向兄弟。難得她真的可以代我一一回答/決定。-_-

「你係新娘呀?」老闆娘問兄弟。
「唔係。」
「咁你係唔係上次果個**呀?」老闆娘又問。
「都唔係!」我 feel 到她有少少激動。

度完身後,才步出店子,我吁了一口氣,說:「終於搞掂!」

彷彿完成了一項十級艱巨的工程


* 我倆把雪紡和真絲搞亂了。原來以為是雪紡的竟是真絲,以為是的其實是雪紡!整個概念都錯了!難得是兩兄弟都錯。
** 上次陪我到店裡去的是 V。也是同一現象,我跟老闆娘說,我想要有 "loan" 的布料,她不明白。V 說即是點點點點呀,她要的是咩咩呀,但不是 lace 呀點點點。我心裡想,你又知既?

這樣就是朋友喇。


Wednesday, August 15, 2007

反健康之道

蛙友昨天請了病假,今早回來還算精神,到了下午已成了病懨懨的模樣。

臨近放工,她說:「返咗一日工,我嘅健康度又下降咗。」

Tuesday, August 14, 2007

錫唔錫自己

被疲勞轟炸了幾小時。

「點解你唔錫下自己?」「你真係好唔錫自己!」Facial 阿姐如是說。

婚宴前奏之二

上周四,花了一個晚上為 R 寫喜帖信封。J 的朋友特多,其中以同事佔了大多數吧,全公司七十多人,他請了 99%,餘下幾位「唔係好熟」者沒請。

R 拿了 J 的公司內線表(!)來,請我和 V 照抄。面對平日要求頗高的 R,我和 V 都十分緊張;在抄寫過程中凡出現「靈」、「黃」、「穎/頴」等等等等字眼,每每叫我們大呼小叫,面臨崩潰。值得一提,他公司有位同事名為「XX兮」,英文拼音為「XXXX XXXX Hai」,但「兮」字則讀作「分」音(?)。

完成中文名單,另有十幾個英文名。我發現英文原來很難寫。話說小妹在小學六年級曾勇奪英文書法比賽冠軍,但到了今時今日,我手字丁點沒有進步、且停留在小學階段,寫出來的字體非常「學生」!非常「COPY BOOK」!

累了一個晚上,寫了過百張帖吧。R 把我們的「功課」拿回給 J 看,誰知他大人的反應是:「你寫的?寫得不太好,比我想像中差……」這幾句,真夠人意志消沉吧?R 遂憤懣了好幾天。唉,假如我是她,也不知有何反應…… -_-

昨晚,聽到 R 的最新消息,J 會買新的信封,用打印方式印上親友的名字……

怎樣說好呢?我們可是花了好多心思、精神去寫那些帖。怕寫得不好、怕寫錯格式、怕寫的位置不夠正中、怕寫出來偏左/偏右……。但搞了一個晚上,仍不收貨。

獅子座的我,總會為著些小事而悶悶不樂。這點,同是獅子座的 J 會明白嗎?他又會否明白,雙魚座的女孩,要的是什麼?

Wednesday, August 08, 2007

Come On,打工仔!

全港打工仔的心願要幻滅了嗎?

讓我們一起發揮小宇宙,祈求明天打八號風球!

後記:8 日 10 下午成功打起八號風球來!2:40 撤退,躲懶半天。

另,兩時多收到毛的 sms:「三點半或之前火星撞地球,快啲匿埋!」很想爆粗。

Sunday, August 05, 2007

Director's Club!

終於等到今天!好威!看《變形金剛》!

毛毛請的!

Thursday, August 02, 2007

黑豬

女:「媽咪,買唔買六合彩呀?」

母:「你買啦。」

女:「唔。」

母:「我咁黑仔。」

女:「我都係!」

母:「黑豬!」

我們的生活

同事傳來的......

歌名:唔准咁
作曲:周啟生, 編曲:周啟生

唔准咁 唔准咁 唔准咁
唔准咁 唔准咁 唔准咁
唔准大聲 唔准細聲 唔准唔聽
唔准亞倫 唔准亞梅 唔准亞Sam
唔准嘈 唔准蒲 唔准"傲"
唔准叫 唔准跳 唔准笑
唔准開Show 唔准污糟 唔准"喳"刀
唔准踩草 唔准順嫂 唔准戴帽
唔准企 唔准坐 唔准"Mau"
唔准左 唔准右 唔准摟
唔准Banner 唔准溫拿 唔准豬"那"
唔准加場 唔准開場 唔准欺場
唔准孟 唔准吞 唔准哼
唔准多 唔准拖 唔准摸
唔准拍手 唔准買酒 唔准帶狗 唔准走
喂 大佬 咁乜o野先准呀
唔准飲酒 唔准帶狗 唔准早抖
唔准作嘔 唔准帶走 唔准派籌
唔准Happy  唔准Shirley 唔准Sandy
唔准加場 唔准一場 唔准開場
唔准經常 唔准太長 唔准商量
唔准Banner 唔准溫拿 唔准豬"那"
唔准再開 唔准再辦 唔准再犯

似坐監

唔似咩???