孝感動天的好父親

話說，家父年輕時乃美男子一名，非常有台型。可惜其女兒並不生性，遺傳不了他的美，更慘遭祖母批評「不及爸爸年輕時的樣子」，一度受不起刺激，對父親說：「好巴閉咩？哼！」

再說，家父乃愛美之人，雖當個裝修佬，卻異常整潔──然而，外表看是看不出來，如廣大麻甩樣，人過五十，中年發福。無論如何，他對用的是頗講究的，曾買過不少昂貴的護膚品（最經典是有一次，我在廁所找到一批植村秀，在質問之下，他稱自己「唔記得左用」）、香水古龍水亦有數瓶。他買給女兒的更昂貴、更講究，繼一次豪買 $3700 SKII 及 $7000 燕窩後，最近更計劃給女兒出張附屬咭，希望女兒在出嫁前玩盡、洗盡（假如其女兒真的能出嫁的話……）。可惜其女兒一而再的不生性，用過 SKII、吃過燕窩，仍是爛面一張；在父親鼓勵消費之下，仍毫無 fashion sense，一整個衣櫥的衣飾，攤出來，都見不了人……

又說，剛才女兒收到父親的電話：「學唔學化妝呀？」作為精明消費者的女兒，細問之下，原來三堂要 $4000+！
女：「咩黎架？唔好俾人呃。」
父：「唔會，佢果度係 XXX……阿邊個個女都想去學。我睇佢果 D 化出黎好似明星架！」
女：「4000 梗係唔學啦。」
父：「已經減左價喇 4000！」
女：「……我連基本果 D 都唔識呀！」
父：「咁咪要學囉！」
女：「……」

愛女深切，想不到任何形容詞──可否爆一句「孝感動天」？！